ევექსი კლინიკების პოსტ-კოვიდ პროგრამის შესახებ ექიმებმა გადაცემაში „ჯანმრთელობის ფორმულა“  ისაუბრეს.

პოსტ-კოვიდ სინდრომის დროს ევექსი კლინიკების სამედიცინო პერსონალს პაციენტები სხვადასხვა ჩივილებით მიმართავენ. მათ შორის არის ხველა, სახსრების ტკივილი, თავის ტკივილი, სურდო, უძილობა, თმის ბუდობრივი ცვენა და სხვა.

ტელეკომპანია ფორმულას სამედიცინო გადაცემაში ევექსი კლინიკების ოჯახის ექიმებმა პოსტ-კოვიდ სინდრომის მკურნალობის გზებზე ისაუბრეს.

ევექსი კლინიკების კლინიკურმა გუნდმა, პანდემიის ფარგლებში, შეისწავლა მსოფლიოში პოსტ-კოვიდ სინდრომის ამ მომენტისთვის არსებული გამოცდილება და რეკომენდაციები. COVID 19 გადატანილი პაციენტებისთვის შეექმნა პოსტ-კოვიდ მხარდაჭერის პროგრამა. პროგრამის ფარგლებში COVID 19 გადატანილი პაციენტები შეძლებენ გამოიკვლიონ ჯანმრთელობის მდგომარეობა, რათა თავიდან აიცილონ დაავადების გართულებები.

ევექსი კლინიკების პოსტ-კოვიდ მხარდაჭერის პროგრამის ფარგლებში ტრენინგები და მომზადება გაიარა  ევექსი კლინიკების 2000-ზე მეტმა ექიმმა საქართველოს მასშტაბით 33 კლინიკაში. ასევე, ევექსი კლინიკების გუნდს გამოცდილება გაუზიარეს საქართველოში და ქვეყნის ფარგლებს გარეთ მოღვაწე ქართველმა ექიმებმა.