ევექსი კლინიკების ოჯახის ექიმი ნანა თადიაშვილი, რომელმაც ოთხი თვის წინ ინფიცირების მძიმე მიმდინარეობით გადაიტანა კოვიდ-19, ვირუსთან გამკლავების გამოცდილებას გვიზიარებს.

ის ასევე ხსნის, თუ რა მნიშვნელობა აქვს პოსტ-კოვიდ გამოკვლევებს თითოეული კოვიდ გადატანილი პაციენტისთვის.

ევექსი კლინიკების კლინიკურმა გუნდმა, პანდემიის ფარგლებში, შეისწავლა მსოფლიოში პოსტ-კოვიდ სინდრომის ამ მომენტისთვის არსებული გამოცდილება და რეკომენდაციები. COVID 19 გადატანილი პაციენტებისთვის შეექმნა პოსტ-კოვიდ მხარდაჭერის პროგრამა. პროგრამის ფარგლებში COVID 19 გადატანილი პაციენტები შეძლებენ გამოიკვლიონ ჯანმრთელობის მდგომარეობა, რათა თავიდან აიცილონ დაავადების გართულებები.

ევექსი კლინიკების პოსტ-კოვიდ მხარდაჭერის პროგრამის ფარგლებში ტრენინგები და მომზადება გაიარა  ევექსი კლინიკების 2000-ზე მეტმა ექიმმა საქართველოს მასშტაბით 33 კლინიკაში. ასევე, ევექსი კლინიკების გუნდს გამოცდილება გაუზიარეს საქართველოში და ქვეყნის ფარგლებს გარეთ მოღვაწე ქართველმა ექიმებმა.